Ճարտարապետական նախագծում

Ճարտարապետական նախագծում

Մենք շատ մեծ պատասխանատվությամբ ենք վերաբերվում նախագծման ամբողջ ընթացքին, քանի որ արդյունքում ձևավորվում է մի միջավայր, որը մշտապես մասնակից է լինելու այդտեղ  բնակվող, աշխատող, հանգստացող  մարդկանց կյանքին և ազդելու է դրա ներսում ընթացող զարգացումների վրա ։
Ճարտարապետական նախագծման աշխատանքներն ընթանում են մի քանի փուլերով ․

  • Ծանոթություն և տեխնիկական առաջադրանքի կազմում
    Առաջին հանդիպմանը մենք ներկայացնում ենք մեր աշխատանքի սկզբունքները և պայմանները, ցուցադրում մեր կողմից մշակված ճարտարապետական ​​նախագծի ալբոմի կազմը: Քննարկում ենք ձեր հողատարածքի նախնական տվյալները և հնարավորությունները: Լսում ենք ձեր ցանկությունները կապված տան արտաքին տեսքի, ոճի, տարածքների կազմի և մակերեսների մասին, նայում ենք մեր նախագծերը և պարզում, թե ինչն է նրանցում ձեզ դուր գալիս։ Համաձայնության ենք գալիս ժամկետների և բյուջեի վերաբերյալ: Վերոնշյալն ամփոփում ենք և կազմում մանրամասն տեխնիկական առաջադրանք։
  • Էսքիզային առաջարկ
    Տեխնիկական առաջադրանքի հիման վրա մշակում ենք շինության հարկերի հատակագծերը գոտևորման սխեմայով և ներկայացնում ենք սխեմատիկ եռաչափ տեսքեր։ Անցկացվում է քննարկում տրված լուծումների վերաբերյալ և համաձայնեցվում պատվիրատուի հետ։
  • Էսքիզային նախագիծ
    Էսքիզային նախագիծը ներկայացվում է տեղանքի լիազոր մարմնին, որը նախագծի հիման վրա տրամադրում է ճարտարապետահատակագծային առաջադրանք։
  • Աշխատանքային նախագիծ
    Նախագիծը ներառում է ՝
    – Ճարտարապետական մաս
    – Կոնստրուկտորական մաս
    – Ջրամատակարարման մաս
    – Էլեկտրամատակարարման մաս
    – Բարեկարգման մաս
    – Նախագծային ծավալաթերթ։
    Նախագիծը ներկայացվում է տեղանքի լիազոր մարմնին, որը նախագծի հիման վրա տրամադրում է շինարարության թույլտվություն։
Իներիերի նախագծում

Իներիերի նախագծում

Ներքին միջավայրը ձևավորվում է այդտեղ բնակվող, աշխատող, հանգստացող մարդկանց կենսակերպից և այդ տարածքի ֆունկցիաներից ելնելով։ Այն բնութագրում և ձևավորում է մարդկանց և նրանց առօրյան։
Ինտերիերի նախագիծը առավել մանրակրկիթ մշակելու համար, մենք այն բաժանել ենք հետևյալ փուլերի․

  • Ծանոթություն և տեխնիկական առաջադրանքի կազմում
    Առաջին հանդիպմանը մենք ներկայացնում ենք մեր աշխատանքի սկզբունքները և պայմանները, ցուցադրում ենք մեր կողմից մշակված ինտերիերի նախագծի ալբոմի կազմը։ Քննարկում ենք ձեր տարածքի նախնական տվյալները և հնարավորությունները։ Լսում ենք ձեր ցանկությունները կապված իներիերի ոճի,  ֆունկցիայի և մակերեսների մասին, նայում ենք մեր նախագծերը և պարզում, թե ինչն է նրանցում ձեզ դուր գալիս։ Համաձայնության ենք գալիս ժամկետների և բյուջեի վերաբերյալ։ Վերոնշյալն ամփոփում ենք և կազմում մանրամասն տեխնիկական առաջադրանք։
  • Տարածքի չափագրություն և տեսալուսնկարահանում
  • Հատակագծային լուծման առաջարկի հաստատում և ոճային լուծումների քննարկում
    Չափագրությունից հետո առաջարկում ենք հատակագծային լուծման մեկ կամ մի քանի տարբերակ։ Քննարկում և ընտրում ենք դրանցից լավագույնը։ Նայում ենք մեր կողմից հավաքագրած ոճային տարբեր լուծումներ և քննարկում դրանք։
  • Էսքիզային առաջարկ
    Մշակում ենք պայմանական որևէ ընդհանուր ոճը բնութագրող գոտու (բնակարաններում և առանձնատներում այն հիմնականում հյուրասենյակն է) ինտերիերը և ներկայացնում եռաչափ պատկերները։ Անցկացնում ենք քննարկում ընդհանուր գաղափարի, ոճի և դետալների շուրջ։ Լուծումները համաձայնեցնում ենք պատվիրատուի հետ։
  • Տարածքի բոլոր գոտիների եռաչափ պատկերավորում
    Հիմք ընդունելով ընհանուր գոտու ինտերիերի ոճն ու լուծումները՝ մշակում ենք մյուս բոլոր գոտիների ինտերիերը և ներկայացնում եռաչափ պատկերները։
  • Աշխատանքային նախագծի մշակում
    Եռաչափ տեսքերի վերջնական համաձայնեցումից հետո մշակում ենք մանրամասն աշխատանքային գծագրերը, որոնք անհրաժեշտ են շինարարություն իրականացնելու համար։ Նախագիծը ներառում է ՝- Հատակագծեր (չափագրություն, քանդվող կառուցվող պատերի, կահավորման, հատակների, առաստաղների, լուսավորության հատակագծեր)
    – Պատերի փռվածքներ
    – Հանգույցներ
    – Կահույքի գծագրեր
    – Ծավալաթերթ։
Հեղինակային վերահսկողություն

Հեղինակային վերահսկողություն

Հեղինակային վերահսկողությունը ներառում է ՝

  • Պարբերական այցելություններ շինհրապարակ, որոնց ժամանակ կատարվում է ընթացքի տեսալուսանկարահանում, չափագրություն, ստուգվում է շինարարության առկա չափերի համապատասխանությունը նախագծային չափերին,  թերացումների հայտնաբերման դեպքում խնդրի մասին տեղեկացվում է պատվիրատուին, առաջարկվում են խնդրի լուծման առավել նպատակահարմար  տարբերակներ
  • Կոնսուլտացիաներ շինարարությունն իրականացնող կազմակերպությունների և մասնագետների հետ
  • Անհրաժեշտության դեպքում նախագծով տրված գծագրերի վերամշակում և ակտուալացում
  • Նյութերի ընտրություն և համադրում։